Gnó

Fáilte go dtí “Invest in Waterford”

Ceantar gnó den scoth is ea Contae Phort Láirge, rud atá le feiceáil sa réimse chomhlachtaí iomráiteacha náisiúnta agus idirnáisiúnta atá lonnaithe sa chontae. Tá rud éigin le n-ofráil do réimse leathan d’earnálacha, ina measc miondíol, cúram sláinte, bith-cógaisíocht, cógaisíocht, seirbhísí comhroinnte agus turasóireacht.

Tá Éire ar cheann de na láthair is is mó fabhar d’infheistíocht san Eoraip agus ar Domhan. De réir Tuairisc ón mBanc Domhanda, "Doing Business 2009", tháinig an tír seo sa chúigiú áit as 181 geilleagair ar deineadh suirbhé orthu maidir le cé chomh héasca is atá sé gnó a bhunú. Chuir an tAonad um Fhaisnéis de chuid an Economist Éire sa 11ú áit as 82 tír ina cháipéis “2008-2012 Business Environment Ranking”, ag rá go bhfuil an tír seo ar cheann de na láthair ghnó is tarraingtí ar domhan.

Is ceantar é Port Láirge inar féidir le gnó tógaint ar rathúlacht chun dul ó neart go neart.

Seo a leanas roinnt des na buntáistí a bhaineann le gnó a dhéanamh i bPort Láirge:

• Lucht oibre oilte ar fáil
• Earnáil Taighde, Forbairt & Nuálaíocht atá faoi bhláth, le tacaíocht láidir ón Rialtas do chomhoibriú táirgiúil idir earnáil na tionsclaíochta agus an saol acadúil
• Cnuasaigh straitéiseacha de chomhlachtaí domhanda ceannródaithe sna hEolaíochtaí Beatha, Teicneolaíocht Faisnéise & Cumarsáide, Innealtóireacht, Seirbhísí, na Meáin Dhigiteacha agus Brandaí Tomhaltóirí
• Cáin chorparáide íseal, le dreasachtaí cánacha sa bhreis ar fáil d’fheidhmeanna faoi leith
• Tá scéim Chreidmheasa Cánach 25% do Thaighde &Forbairt ag Éire ó 2004 i leith (chomh maith le liúntas cánach ag 12.5% do chaiteachas ar Thaighde &Forbairt in Éirinn).
• Creat dlithiúil láidir d’fhorbairt, do shaothrú agus do chosaint Chearta Maoine Intleachtúla
• Cáilíocht beatha den scoth do lucht saothair – rud a chiallaíonn gur fuirist lucht saothair a choimeád
• Maoin ar fáil, suíomhanna, oifigí agus aonaid mhiondíola san áireamh
• Láithreáin ar fáil atá seirbheáilte ag nascanna iompar, gás, aibhléis agus uisce
• Rochtain iontach de bhóthar, de mhuir agus ón aer
• Suíomh straitéiseach, le rochtain éasca ar Réigiún na hEorpa, an Mheánoirthir agus na hAfraice
• Infreastruchtúr fuinnimh agus teileachumarsáide d’ard-chaighdeán
• Cur chuige dearfach Chomhairle Contae Phort Láirge agus áisíneachtaí eile ar nós IDA Ireland, Enterprise Ireland, FÁS, Bord Fiontar an Chontae agus Comhpháirtíocht Leader Phort Láirge i leith ghnó

  Tá fianaise maidir le cé chomh tarraingteach is atá Contae Phort Láirge do lucht gnó le feiceáil sa réimse chomhlachtaí iomráiteacha náisiúnta agus idirnáisiúnta atá tar éis cur futhu sa chontae. Leis an suíomh idirlíon seo, léirítear buntáistí an Chontae do réimse earnálacha, ina measc; miondíol, cúram sláinte, bith-cógaisíocht, cógaisíocht, seirbhísí comhroinnte agus turasóireacht. Déanaimid iarracht chomh maith cabhrú le lucht saothair filleadh ar Chontae Phort Láirge, trí chomhairle phraiticiúil a thabhairt dóibh agus trí iarraidh orthu a gcuid suime chun cónaí agus chun obair sa Chontae a léiriú trína gcuid scileanna a chlárú linn.

Tionscamh de chuid Chomhairle Contae Phort Láirge is ea ‘Invest in Waterford’ a thugann cuireadh do chomhlachtaí leas a bhaint as an méid atá le tairiscint ag Contae Phort Láirge mar sár-láthair ghnó. Tá súil againn gur chabhair é an méid atá sa suíomh idirlíon seo. Má tá a thuilleadh eolais uait, déan teagmháil linn. Beidh áthas orainn cabhrú leat.

Tá Contae Phort Láirge réidh chun gnó a dhéanamh!

Donncha Mac Cárthaith
Bainisteoir an Chontae
Comhairle Contae Phort Láirge