An Ráiteas Cothromúcháin

Téigh ar líne agus úsáid an Fhéinseirbhís ar Líne ÍMAT do chustaiméirí ÍMAT.

Má tá ráiteas cothromúcháin (Foirm P21) de dhíth ort ó na Coimisinéirí Ioncaim chun tacú le d'iarratas deontais, beidh suim agat fáil amach gur féidir leat iarratas a dhéanamh ar líne anois! Seolfar foirm P21 amach chugat go luath tar éis duit iarratas a dhéanamh.

P21 a fháil, ní sin ach cuid bheag den obair ar fad ar féidir leat a dhéanamh ar líne. Is féidir leat do gnóthaí cánach féin a riaradh ach an chuid is mó de do ghnó a dhéanamh ar líne.

Féinseirbhís ÍMAT

Cad atá ag teastáil uaim le iarratas ar P21 a dhéanamh ar líne?

Le seo a dhéanamh, beidh ort d'UAP Ioncaim a bheith agat chomh maith le hainm úsáideora agus focal faire "reachservices."

Seirbhís Rialtais is ea "reachservices" a bunaíodh le rochtain slán agus rúnda ar sheirbhísí poiblí a chur ar fáil tríd an idirlíon.

Conas a Fhaighim UAP Ioncaim?

Tá na Coimisinéirí Ioncaim tar éis UAPanna Ioncaim a eisiúint do gach custaiméir ÍMAT ar a dTeastas Chreidmheas Cánach 2007. Mura bhfuair tú d'UAP fós is féidir leat iarratas a dhéanamh arlíne ag www.revenue.ie

Roghnaigh an rogha chun UAP Ioncaim a iarraidh. Más fearr leat, is féidir leat an focal PIN, agus ansin d'uimhir PPS, a théacs go 51829.

Conas is Féidir liom Ainm Úsáideora agus Focal Faire "reachservices" a Fháil?

• Céim 1: Téigh go www.revenue.ie agus roghnaigh Cláraigh le "reachservices."
• Céim 2: Oscail do chuntas. Cuir isteach do rogha ainm úsáideora agus focal faire le do chuntas a oscailt.
• Céim 3: Roghnaigh an rogha chun sonraí pearsanta a chur isteach.
• Céim 4: Roghnaigh an rogha chun do shonraí pearsanta a chomhoiriúnú le d'Aitheantas Seirbhíse Poiblí (ASP). Gné slándála is ea é seo chun do shonraí pearsanta a chosaint. Tá ort é seo a dhéanamh le tairbhe a bhaint as ÍMAT ar Líne.
• Céim 5: Nuair atá d'ASP bailíochtaithe, gheobhaidh tú cód gníomhachtúcháin tríd an bpost ó "reachservices." Téigh go dtí www.reachservices.ie agus úsáid an cód le do chuntas a ghníomhachtú.

Conas is Féidir liom ÍMAT ar Líne a Úsáid?

Tar éis duit do chuntas reachservices a ghníomhachtú, is féidir leat tairbhe a bhaint as an réimse iomlán seirbhísí ÍMAT Arlíne ag aon uair ach:
Logáil isteach go dtí www.revenue.ie
Roghnaigh Logáil Isteach go hÍMAT Arlíne, lean na treoracha, agus úsáid d'ainm úsáideora agus focal faire "reachservices" agus d'UAP Ioncaim.