Cé is Féidir leis/léi Clárú?

Ag brath ar do shaoránacht, is mar seo a leanas a bhfuil an ceart chun vótála:

• Ní mór duit a bheith ar a laghad 18 mbliana d'aois ar 15 Feabhra, an lá a thagann an clár i bhfeidhm.
• Is féidir le saoránaigh Éireannacha vótáil ag gach toghchán agus reifreann.
• Is féidir le saoránaigh Bhriotanacha vótáil ag toghcháin na Dála, na hEorpa agus toghcháin áitiúla.
• Is féidir le saoránaigh eile de chuid an Aontais Eorpaigh (AE) vótáil ag toghcháin Eorpacha agus toghcháin áitiúla.
• Is féidir le saoránaigh neamh-AE vótáil ag toghcháin áitiúla amháin.

Ní mór duit a bheith cláraithe ag aon seoladh amháin agus a bheith i do chónaí ag an seoladh sin ar 1 Meán Fómhair sula dtagann an clár i bhfeidhm.

Conas an Clár a Cheartú

Mura bhfuil tusa san árieamh ar an gclár dréachta -- nó má tá tú liostáilte ann go mícheart -- ba chóir duit an fhoirm  RFA1 Éileamh Ar Cheartúchán Ar Dhréachtchlár na dToghthóirí (adobe .pdf, 91 kbs) a chomhlíonadh: éilíonn an fhoirm seo ceartú ar chlár dréachta na dtoghthóirí agus ba chóir an fhoirm féin a sheoladh ar aghaidh go dtí Comhairle Contae Phort Láirge ar nó roimh 24 Samhain.

Foilsítear, ansin, clár críochnaithe na dtoghthóirí ar 1 Feabhra agus tagann sé i bhfeidhm ar 15 Feabhra gach bliain.
Má tá tú i dteideal/cáilithe vótáil ach gur theip ort teacht leis an spriocdháta nuair ba chóir do d'ainm a bheith i láthair ar an gclár -- is féidir leat cur isteach ar a bheith curtha san áireamh i bhforlíonadh an chláir.