County Waterford, Ireland
Rialacháin Phacáistithe
Tá iallach ar na príomhtháirgeoirí, a leithéid de chomhlachtaí a chuireann níos mó ná 25 tona de dhramhaíl phacáistithe ar an margadh agus a bhfuil láimhdeachas bliantúil de níos mó ná €1 milliún acu, tá iallach orthu rialacháin 2003 um bainistíocht dramhaíola (pacáistiú) a chomhlíonadh.
Chun na rialacháin seo a chomhlíonadh, tá dhá rogha ag na príomhtháirgeoirí:
Cur chuige an fhéinchomhlíonta.
Éirí ina mball de scéim chomhlíonta atá ceadaithe ag an Rialtas (Repak is ea an t-aon scéim chomhlíonta ceadaithe ag an Rialtas atá sa tír faoi láthair).
Tá ar Tháirgeoirí Féinchomhlíontacha an Méid a Leanas a Chur i gCrích
- Clárú le húdarás áitiúil go bliantúil.
- Táille bhliantúil a íoc. Staitisticí míosúla a chur ar fáil de shaghasanna agus de mhéideanna an phaicáistithe a dhéantar i ngach ceann dá bhfoirgnimh. Cuirfear an t-eolas seo san fhearann poiblí.
- Glacadh le pacáistiú úsáidte de shaghas cosúil ó aon fhoinse agus é a leithscaradh.
- Fógraí a chur suas a chuireann in iúl gur glacadh le dramhaíl phacáistithe, agus, nuair a shroichtear an sprioc aisghabhála, cead a fháil ón údarás áitiúil fógra breise a chur suas, a luann gur cuireadh glacadh ar fionraí go sealadach don mhí sin.
- Pacáistiú úsáidte a soláthraíodh do dhaoine eile a bhailiú.
- Tá ar phacálaithe/líonaigh 50% ar a laghad a aisghabháil de réir mheáchan an phacáistithe a soláthraíodh.
- Tá ar mhiondíoltóirí áiseanna laistigh den siopa a chur ar fáil do chustaiméirí ionas go bhféadfaidh siad dramhaíl phacáistithe a chur ar ais.
- Tuairisc bhliantúil a chur ar fáil agus í a chur ar fáil don phobal.
Ballraíocht Repak
Chun éirí ina mball de Repak tá ar chomhlachtaí táille bhliantúil a íoc.
Glacann Repak freagracht ar son a mball as aisghabháil agus athchúrsáil dhramhaíl phacáistithe suas le céatadán dualgais a mball.
Na Rialacháin a Chur i bhFeidhm
Déanann Foireann Chur i bhFeidhm na Comhairle póilíneacht ar rialacháin 2003 um phaicáistiú. Ach cuairteanna a thabhairt agus iniúchtaí a dhéanamh, spreagtar comhlachtaí a éirí ina mbaill de Repak.
Tá Comhairle Contae Phort Láirge ag dul sa tóir ar roinnt chomhlachtaí chun a chinntiú go gcomhlíonfaidh siad rialacháin 2003 um phaicáistiú agus faoi láthair tá sí ag lorg comhairle dhlíthiúil mar gheall ar na hiniúchtaí a rinneadh go dtí seo.
Buaileann gach oifigeach chur i bhfeidhm ó gach údarás áitiúil leis an nGníomhaireacht um Chaomhnú Comhshaoil agus leis an Rannóg Comhshaoil ar bhonn rialta chun dul chun cinn a thabhairt bord ar bord leis an aimsir mar gheall ar chur i bhfeidhm pacáistithe.
Má tá aon cheisteanna agat mar gheall ar rialacháin phacáistithe is féidir leat teagmháil a dhéanamh le hElaine Hickey ag 058 21116.
