ArtLinks

Tá an Oifig Ealaíon de chuid Chomhairle Contae Phort Láirge, i gcomhpháirt leis an gComhairle Ealaíon agus le hÚdaráis Áitiúla i gcontaetha Ceatharlach, Cill Chainnigh, Loch Garman, Cill Mhantáin, sásta tionscnamh ArtLinks a fhógairt – seirbhís nuálaíoch fhorbairt gairmiúil i gcomhair ealaíontóirí de gach disciplín arbh as don réigiún cúig-chontae seo iad.

Tá ArtLinks dírithe ar gach ealaíontóir -- amaitéarach agus proifisiúnta -- 18 agus os a chionn, atá ina gcónaí laistigh de chontaetha Cill Chainnigh, Ceatharlach, Port Láirge, Loch Garman agus Cill Mhantáin.

Tá sé mar chsupóir ag ArtLinks deiseanna atá insroichte a chur ar fáil i gcomhair ealaíontóirí ón gcúig chontae atá rannpháirteach ann chun scileanna, eolas agus tuiscint a bhaint amach agus chun na tacaíochtaí riachtanacha a sholáthar atá de dhíth orthu lena gcleachtais oibre agus gairmeacha beatha a fhorbairt.

Cuireann ArtLinks réimse sheirbhísí ar fáil go gach disciplín -- mar shampla, cúrsaí forbartha proifisiúnta faoi gach gné d'obair chruthaiteach; seimineáir eolais, tacaíocht mhaoinithe, scéimeanna meantóireachta chomh maith le réimse leathan ríomhsheirbhísí ar an suíomh idirlín, www.artlinks.ie Eolaire atá ag dul i méid is ea suíomh idirlín ArtLinks d'ealaíontóirí san Oirdheisceart. Ó lár 2007 tá níos mó ná 500 diúlach agus grúpa tar éis clárú agus ta sé tar éis éirí ina eolaire cuimsitheach do na healaíona sa réigiún. Spreagtar bainisteoirí, lucht chur chun cinn, riarthóirí agus daoine eile a bhfuil baint acu leis na healaíona sa réigiún clárú chomh maith. Má tá tú i do chónaí lasmuigh den réigiún ach má tá suim agat coimeád suas le nuacht a bhaineann leis na healaíona san Oirdheisceart is féidir leat síniú suas le haghaidh ríomhfheasacháin shaoir in aisce de chuid ArtLinks ach dul go dtí an leathanach baile www.artlinks.ie

Tá áis san áireamh ar shuíomh idirlín ArtLinks chun sonraí d'obair ealaíontóra a phróifíliú chomh maith le héachtaí a g(h)airm bheatha; cuireann sé deiseanna ar fáil líonrú agus imeachtaí a bhaineann le healaíontóir a chur suas. Cartlann is ea an suíomh chomh maith, agus pointe eolais, do na cúig Oifig Ealaíon. Is féidir le diúlaigh, grúpaí, bannaí, féilte, bainisteoirí agus lucht chur chun cinn clárú.

Sochair Shaor in Aisce

Buntáistí saor in aisce a ghabann le hArtLinks

 

• Nuair a chláraíonn tú ar líne ag www.artlinks.ie cruthaíonn do shonraí do leathanach próifíle ArtLinks ar féidir leat a thabhairt suas le dáta, go furasta, ag aon uair

• Is féidir leat ríomhfheasacháin ArtLinks a fháil

• Is féidir leat d'imeacht/taispeántas/cruinniú/fógraí féin a chur suas ar chlár fógraí agus féilire imeachtaí ArtLinks

• Is féidir leat líonrú le ealaíontóirí eile san Oirdheisceart sna fóraim ar líne ArtLinks

• Beidh tú i dteideal cur isteach ar sparántachtaí bliantúla ArtLinks agus ar mhaoiniú eile áitiúil

• Beidh tú i dteideal áirithint tosaíochta agus táillí laghdaithe a fháil le haghaidh cúrsaí de chuid ArtLinks

Cláraigh anois le hArtLinks ar www.artlinks.ie
Tá ArtLinks úsaideoirthreoraithe -- tá an bhaint atá agat féin lárnach ionas go bhforbróidh an tionscnamh agus go mbeidh sé rathúil -- le haghaidh na healaíontóirí go léir atá sna cúig chontae.