Na hEalaíona Traidisiúnta; an Ghaeltacht

Dúthaigh Gheal Déise

Seo suíomh idirlíon an togra amhránaíochta Dúthaigh Gheal Déise, a fuair tacaíocht airgid ó Oifig Ealaíon Chomhairle Contae Phort Láirge, togra Ealaíon na Gaeltachta de chuid Údarás na Gaeltachta agus scéim DEIS na Comhairle Ealaíne. Gheobhaidh tú eolas ar an suíomh seo maidir le mórchuid amhrán a bhaineann leis na Déise agus le traidisiún amhránaíochta Ghaeltacht na nDéise. Tá focail na n-amhrán le fáil ar an suíomh, chomh maith le físeáin de roinnt d’amhránaithe sean-nóis an cheantair agus iad i mbun amhránaíochta.

Áine Uí Fhoghlú	Déuglán De Paor	Domhnall Ó Cionnfhaolaidh
Eibhlín Bean Uí Dhonnchadha	Eibhlís Tóibín Bean De Paor	Muiris Ó Criostóir
Nioclás Tóibín	Seamus Ó Cionnfhaolaidh	Seamus Ó Cobhthaigh
Tadgh Cundún

Na hEalaíona Traidisiúnta agus na hEalaíona i gComhthéacs Gaeltachta

Bhí an saothar nua damhsa nua-aimseartha "Gach Mac Máthar" ar cheann de na príomhthionscadail i gcaitheamh 1998 -- thug "Gach Mac Máthar" an fhoirm chorraitheach damhsa seo le chéile leis an sean-nós.

Reáchtáladh ceardlanna damhsa i scoileanna roghnaithe i gcomhair leis an Scéim Choimisiún Damhsa de chuid na Comhairle Ealaíona, agus bhí léirithe ar siúl i gceithre óstán sa chontae. Chuir Fearghus Ó Conchúir, ar as an Rinn dó, an léiriú i láthair, i gcomhair leis an amhránaí traidisiúnta Ann Mulqueen.

Cuireadh an-suim sa saothar, rud a léiríonn gur féidir le húdarás áitiúil a bheith chun tosaigh mar gheall ar fhorbairt na n-ealaíon. Tar éis sin cuireadh an léiriú i láthair i gCo. Chiarraí agus san fhóram do dhamhsa nua-aimseartha i Londain i mí Eanáir 2000.