Láthair
Tá sráidbhaile Bhaile na Sagart suite timpeall 13 chiliméadar ar an dtaobh thiar-thuaidh den Lios Mhór agus 10 ciliméadar ar an dtaobh thoir-thuaidh de Bhaile Uí Dhuibh Uachtarach.  Tá Baile na Sagart suite in áit atá ainmnithe mar bhealach spéiriúil.   Íoslódáil Léarscáil Baile na Sagart (339 kbs) Anseo agus íoslódáil chomh maith na leathanaigh a bhaineann le Cuspóirí Criosaithe (word .doc, 160 kbs) .  Caithfear na Cuspóirí Criosaithe agus an Maitris Chriosaithe d’Úsáid Talún a úsáid nuair atá tú ag féachaint ar chriosú lonnaíochta faoi leith.

Seirbhísí
Is iad na seirbhísí agus na h-áiseanna atá i mBaile na Sagart ná séipéal, tigh tabhairne, siopa, garáiste agus stáisiún peitril chomh maith le páirc imeartha C.L.G. agus ionad fóntas pobail.

Bonneagar
Tá Baile na Sagart suite ar uiscíoch a chuireann méid mheasartha uisce ar fáil, agus bíonn an-bhaol truaillithe san uisce talún.

Níl córas cóireála fuíoll-uisce ag an sráidbhaile, cé go bhfuil uisce píopa á sholáthar ann. Ar na coinníollacha a bheidh ag baint le h-iarratais phleanála d’eastát tithíochta beidh an choinníoll go gcaithfear cóiriú leanúnach a chur ar fhuíoll-uisce agus soláthar maith uisce a chur ar fáil/nó an soláthar uisce a fheabhsú. Is ceart moltaí ar bith dá leithéid a phlé le Roinn Seirbhísí Sláintíochta Chomhairle Contae Phort Láirge sar a gcuirfí isteach ar chead pleanála.

Straitéis Fhorbartha
Tá an-chuid deiseanna forbartha laistigh de limistéar na forbartha mar a léirítear ar an Léarscáil iniata.  Ach, mar gheall ar dinnseanchas atá deacair, beidh dlúth-bhaint ag suíomh na forbartha agus tírdhreach le moltaí forbartha. Beidh sé an-thábhachtach dearadh ar leith a chur san áireamh i bhforbairt na talún ar an dtaobh thoir-theas de chroí-lár an tsráidbhaile, cosúil le forbairt de thiús an-íseal nó tithe aon úrlar/uillinn íseal ar an díon.

Is ceart moltaí ar bith forbartha a phlé sula a gcuirtear isteach an t-iarratas ach ní thabharfar cead an plé seo a dhéanamh mura gcomhlíonann na moltaí an straitéis atá luaite thuas. Ach ní ceart aon fhorbairt a dhéanamh go dtí go gcuirtear feabhas ar sheirbhísí sláinte.

Tá bacanna ar fhorbairt bainteach le h-easpa bhonneagair mar atá léirithe thuas agus caithfidh moltaí forbartha freastal ar seo in iarratais Phleanála ar bith chomh maith leis an Údarás Pleanála a shásamh maidir leis na caighdeáin d’fhorbairtí nua i Roinn 9.2.