Tránna Brataí Goirme laistigh de Chontae Phort Láirge

Tá sé thrá brait ghoirm, faoi láthair, leagtha amach i gContae Phort Láirge -- cuirtear isteach iarratais ar bhonn bliantúil le hiarraidh céim an bhrait ghoirm a bhaint amach.

• Aird Mhór
• Bun Machan
• Cluain Fhia Thoir
• Dún Mór (Trá na gComhairleoirí?)
• Dún Mór (an Phríomhthrá)
• Trá Mhór (an Príomhthrá)

Gradaim i mBliana (2008)

Ag tús mhí an Mheithimh, bronnadh dhá bhrat gorm ar Phort Láirge le haghaidh séasúir fholctha 2008. Ba iad na tránna ar bronnadh iad orthu ná,

Trá Chluain Fhia
Trá cuíosach mór gainimh a bhfuil an-mheas uirthi is ea Cluain Fhia. Tá an trá féin leathan; téann sé le fána go réidh agus tá sí níos mó ná míle i bhfad. Bíonn gardaí tarrthála ag an trá le linn an tséasúir fholctha. Tá páirceanna campála agus carbháin i gcóngar. Is féidir an trá a shroicheadh ach tiomáint soir ó Dhún Garbhán ar an R675 i dtreo an chósta agus na comharthaí go dtí Cluain Fhia a leanúint.

Dún Mór (Trá na gComhairleoirí?)
Tá cuasa gainmheacha slán agus sábháilte ag an trá seo áit ar féidir dul ag snámh -- bíonn gardaí tarrthála ann i gcaitheamh an tséasúir fholctha ar fad. Tá an trá suite 16km ó Chathair Phort Láirge ar an A684 agus níl ann ach tiomáint 75 nóiméad idir an trá seo agus an calafort mór ag Ros Láir.

Conas is féidir LEATSA cabhrú.
Tá ról tábhachtach -- lárnach -- le himirt ag an pobal i gcoitinne féachaint chuige go gcoimeádfaidh trá áirithe an brat gorm. Tá go leor rudaí ar féidir cur isteach ar chumas trá áirithe an brat gorm atá aici a chothabháil. I measc na rudaí seo tá bruscar... madraí nach bhfuil srianta... salachar madraí... daoine agus iad ag siúl ró-throm ar na dumhcha... cur isteach d'aon ghnó ar na háiseanna atá i láthair. Chun teacht ar eolas iomlán faoi na critéir atá i gceist, léarscáileanna agus chun fáil amach go leor rudaí maidir le tránna brataí goirme timpeall na cruinne agus faoi marinas tabhair cuairt le do thoil ar a suíomh idirlín áirithe seo:

http://www.blueflagireland.org/

Tránna Brataí Goirme

Cad atá i gceist -- go díreach -- leis an mbrat gorm?

Gradam comhshaoil atá deonach, agus aitheanta timpeall an domhain, do thránna agus marinas, is ea an brat gorm.

Tá gá d'aon trá, nó marina, teacht le grúpa critéar faoi leith ionas go mbainfidh sé an brat gorm amach. 

• Eolas agus oideachas comhshaoil
• Cáilíocht uisce
• Sábháilteacht/seirbhísí
• Bainistiú Comhshaoil

Is í an chuspóir atá laistiar den chlár ná tuiscint a ardú mar gheall ar chúrsaí comhshaoil agus iompar maith comhshaoil a chur chun cinn i measc pobal áitiúil agus turasóirí -- agus, ina theannta seo, nósanna imeachta thar barr a chur chun cinn i measc lucht bainistíochta na dtránna agus na marinas féin. Tá sé de chuspóir go mbeidh baint ag na critéir leis an reachtaíocht atá ann i ngach aon tír. Cinntíonn sé seo go gcloítear leis an reachtaíocht -- agus, i gcásanna áirithe, socraíonn an brat gorm, tar éis tamaill, slat tomhais níos airde ná siúd atá i bhfeidhm cheana féin.

Tá gradam an bhrait ghoirm tar éis a fhorbairt ina siombail den ardchaighdeán agus tá sí aitheanta ar fud na cruinne. Is féidir úsáid a bhaint aisti le haghaidh chur chun cinn trá nó marina.