Meastar go mbíonn iompraíocht fhrithshóisialta ann nuair a ghoilleann iompar duine nó clainne ar chaighdeán beatha na comharsanachta iomláine.

Gníomhartha a Meastar fúthu go mbíonn Iompraíocht Fhrithshóisialta i gCeist Leo

• Iompar Antoisceach – mangaireacht drugaí, ionsaí gan chúis, foréigean, ciapadh tromchúiseach, ciapadh ciníoch.
• Iompar bagrach nó maslach, suaitheadh tromchúiseach go minic, loitiméireacht, díobháil do mhaoin.
• B'fhéidir go gcuimseodh fadhbanna núise eile aighneas clainne a ghoilleann ar chomharsana, srianadh madraí/peataí, iompar páistí, cothabháil ghairdíní agus ciapadh briathartha.
• Óláchán – mí-úsáid alcóil, cóisirí agus ceol ard.

Dearcadh Phort Láirge – Ag Obair i dtreo NEAMHfhulaingt na hIompraíochta Frithshóisialta

Cuimsíonn an tAcht Tithíochta (Forálacha Éagsúla) 1997 cuid forálacha a bhaineann le hIompraíocht Fhrithshóisialta i dtithe agus eastáit atá ligthe ar cíos ag an gComhairle.

Ceadaíonn an reachtaíocht seo dúinn ligean tí a dhiúltú nó a chur ar athlá, nó diúltú d’iarratas ó thusa mar thionónta teach a cheannach, má tá nó má bhí baint agatsa mar iarrthóir le hiompraíocht fhrithshóisialta, nó mura mbeadh an ligean nó an díolachán ar mhaithe le bainistíocht maith eastáit. Is féidir linn, chomh maith, diúltú do hiarrthóirí nach dtugann go leor eolais dúinne mar bhur gComhairle. Chomh maith le seo, is féidir linn diúltú d’athdhíolachán tí thionónta-cheannaithe do dhiúlach a bhfuil baint aige nó aici le hiompraíocht fhrithshóisialta ar fhoras go bainistíocht maith eastáit mar a bhfuil gá le haontú na Comhairle d’athdhíolachán.

Cuirfimid Alt 3 d’Acht 1997 (Ordú Eisiatachta) i bhfeidhm i gcónaí más cuí, agus muid ag déileáil le daoine a bhfuil baint acu le hiompraíocht fhrithshóisialta, chun díbirt theaghlaigh iomláin, más féidir, a sheachaint.

An Gearán a Thaifeadadh

Tá nós imeachta gearán bunaithe againn chun déileáil le tarluithe iompair fhrithshóisialta arna shainmhíniú ag an Acht Tithíochta (Forálacha Éagsúla) 1997. Glacfar le gearáin i scríbhinn ar ár bhfoirm oifigiúil atá ar fáil ón Rannóg Tithíochta. De ghnáth, is ionann gearáin nach gclúdaíonn sainmhíniú an Achta 1997 agus sáruithe do chomhaontaithe thionóntachta agus imscrúdaítear iad seo chomh maith.

Ní ghlacann Comhairle Contae Phort Láirge le gearáin anaithnide, agus ní imscrúdaítear iad seo.

Seirbhís rúnda is ea an córas gearán agus déantar gach iarracht aitheantas an ghearánaithe a chosaint. Ní imscrúdófar gearáin i gcoinne úinéirí réadmhaoine príomháidí ná ceannaitheoirí tionóntaí mar tá sé seo taobh amuigh de théarmaí tagartha na n-Achtanna 1966 agus 1997.

Ag féachaint don leibhéal acmhainní a bheadh ar fáil, ní imscrúdófar gearáin i gcoinne daoine gan aithint.

Glacfaidh Comhairle Contae Phort Láirge polasaí an-docht maidir le tionóntaí a bhfuil baint acu le mangaireacht drugaí as ár dtithe Comhairle agus breithneoidh sí iarratas a dhéanamh ar Ordú Eisiatachta nó ar fhreastal Fhógra Scoir.

Ní fhreastalófar tionóntaí le litreacha rabhaidh a bhfuil baint acu le, nó ciontú acu as, mangaireacht drugaí as tithe Comhairle.

Srian a Choimeád ar Ainmhithe

An bhfuil cead agam peataí a choimeád i mo theach?
Tá lánchead agat peataí clóis, mar shampla cait nó madraí, a choimeád, fad agus nach n-éiríonn siad ina núiseanna do do chomharsana. Ní cead d'aon teaghlach ach aon mhadra amháin agus aon chat amháin a bheith acu.

• Faoin Acht um Shrianadh Madraí 1986, ní mór do gach madra ceadúnas a bheith aige. Is féidir ceadúnas a cheannach ag aon Oifig Phoist.
• Mura bhfuil ceadúnas madra agat, nó mura bhfuil an madra faoi shrian agat, tá seans go bhfaighidh tú fíneáil ar an láthair.
• Ba cheart duit aire ar leith a thógáil do mhadra a choimeád faoi shrian lá an bhruscair.
• Na Rialacháin um Shrianadh Madraí (Srianadh Madraí Áirithe), 1991:
  
  Caithfidh tusa mar thionónta na madraí seo a leanas a choimeád ar iall agus tá gá féasrach a bheith orthu in áiteanna poiblí:
  
  Tarbh-Bhrocaire Meiriceánach
  Bulladóir
  Tarbh-Mhaistín
  Pinséir Dobermann
  Tarbh-Bhrocaire Sasanach
  Alsáiseach
  Akita Seapánach
  Tósa Seapánach
  Dronnach Róidéiseach
  Rótvaidhléir
  Tarbh-Bhrocaire Staffordshire

Déan teagmháil lenár maor madraí le do thoil chun breis eolais a fháil.
Molann Comhairle Contae Phort Láirge nach gcoimeádfá mar ár dtionónta ach madra atá oiriúnach do mhéid do ghairdín.

Ní peataí clóis capaill, muic agus éanlaith tíreachais
Má choimeádann tú aon cheann d’iad seo sárú tromchúiseach is ea é de do chomhaontú tionóntachta.

Srianadh Capall
Oibríonn na Gardaí áitiúla go han-dlúth leis an gComhairle maidir le srianadh capall, agus cuirfear aon chapall a dtagtar air ar eastát nó in áit poiblí i bpóna.